ஆண்டு தோறும் தீபாவளி

பட்டாசுகள் பட படக்க 

மத்தாப்புக்கள்  பூக்க 

புது உடைகள் சர சரக்க 

தீபாவளி   பண்டிகை 

விமிரிசையாக   கொண்டாடி 

மி க்க செலவோடு முடிய  

வானமும் மேகமும்  

கறுத்துப்  போக

பூமி யும்  நிலமும்  

 நகண்டு  போக

சத்தம் காதை  அடைக்க 

 அங்கும் இங்குமாக 

தீ காயங்கள்  படர 

சில  இடங்களில் 

உயிர்ச் சேதம்  ஏற்பட 

காசை இறுதியில் 

கரியாக்கி  கொண்டாட்டத்தை 

முடிக்கிறான் மனிதன்

  ஆண்டு தோறும்.

  

 

காலை வணக்கம்

காலை வணக்கம் என்ற குரல்
 எங்கேயோ கேட்ட  குரல்
யாரென்று கூற  இயலவில்லை
என்னைத் தெரியவில்லையா
 என்ற அடுத்த வந்தததற்கு
தடுமாறி பதில்  அளிக்கும் முன்
என்ன இவ்வளவு மறதியா
என்று வேகமான குற்றச் சாட்டு
உண்மயிலே மறதி வந்து விட்டதோ
அய்யய்யோ என்று எண்ணும் போது
மீண்டும்மொரு  தொடர்   மொழியாக
  ஏன்  இப்படி ஆகி விட்டாய்?
மலங்க மலங்க விழித்தபடி
 நின்ற என்னிடம் கேலியாக
உனக்கே உன்னை   தெரியவில்லை
என்று நகைக்க
 எனக்கு என் மேல் வெறுப்பு
தோன்றத  தொடங்கியது
நல்ல காலை வணக்கம் பாடி
மனத்தை  சுருங்க வைத்ததற்கு
நன்றி மிக்க நன்றி  .

ஆகாத வரை சரி

பண வீக்கம் குறைந்தது

வெங்காயம் விலை ஏறியது 

பணக்காரன் பாடு மகிழ்ச்சி 

 ஏழையின்  நிலை  திண்டாட்டம் 

மத்தி ய வங்கியின் ஆளுநர் 

மந்திரக் கோலுடன் வலம்  வருகிறார்  

உழவனோ ஏறுடன் 

உழுது  பாடுபடுகிறான் 

ரூபாயின் மதிப்பு  ஏறகிறது  

  அன்னியச் செலவாணி உயருகிறது 

தானியங்களின் விலை தாவு கிறது 

  உணவு அரிதாகத்  தெரிகிறது.

பணக்காரன்  பணத்தில் புரளு கிறான்

ஏழையோ ஏழ்மையில் வாடுகிறான் 

மந்திரக் கோல்  தந்திரக் கோல் 

ஆகாத வரை சரி.

பொருத்தம் பத்து

பொருத்தம் பார்த்தார்கள் 

பொருந்தியது   பத்தும் 

செயதார்கள்  திருமணத்தை 

சாதகத்தில் பொருந்திய 

 பத்து  பொருத்தங்கள்  

வாழ்க்கைக்கு பொறுப்பேற்கவில்லை 

பத்தும் பதிவேட்டில்  பொருந்த 

வாழ்வு ஏட்டில் விலக 

பற்றிக்கொண்டது  விவகாரம் 

ஆணின்  கை ஒங்க  

  பெண்ணின் சினம் பொங்க 

முற்றியது சண்டை 

ஆணவம் தலை தூக்க 

அடங்காமை தலை விரித்தாட 

 வேறுபாடு சென்றது நீதி மன்றம் .

ஆண்டுகள் பலவாக  ஓட 

வயதும்  கூட அதனுடன் விரைய 

பிரிவும்  நிரந்தரமானது 

மறு முறை திருமணம் 

வேகமாக அரங்கேற 

அறுத்துக் கட்டுவது  வழக்கமானது 

அன்று சாதகம் சொன்ன 

 பொருத்தங்கள் அனரத்தமாக  போக  

மண  முறிவு ஏற்பட்டது. 

இன்று பொருத்தம்  பார்க்காத 

இரண்டாம் கல்யாணம்

மன ஒற்றுமையை    உண்டுபடுத்துகிறது .

என்னவென்று சொல்லப்   புரியவில்லை 

 ஏன்  என்று அறிய முடியவில்லை 

எப்படி என்று தெளிய இயலவில்லை 

உன் பெயர் என்ன ?

காதிலே பூ  அழகாகச் சுற்றுவதில் திற னுடன்
கண் கட்டி வித்தையிலே  சிறந்து
முக்கை நுழைக்கும்  வழியிலே  மேம்பட்டு
வாய் வார்த்தையிலே  பொய் புகுந்து
கழுத்தை நொடிக்கு ஒரு தரம் நொடித்து
நெஞ்சிலே நேர்மை இழந்து  சத்தியம் தவறி
கையை நீட்டி மிரட்டி சிம்ம நடை  போட்டு
பேரரசன்  போல் வாழும் மனிதனே
உன் பெயர்  தான்   என்ன ?
நானே  அரசியல் வாதி என்று மார் தட்டினான்

காலனே பொறு

காலனைக் கண்டேன்
 காலை நேரத்திலே
கால் கடுக்க நிற்கிறேனே
உன் வரவை நோக்கி
 என்று கேட்கிறான்


சற்றுப் பொறு  காலனே
காலமும்  நேரமும் கூடட்டும்
வேலையும் முடியட்டும்
வருகிறேன் உன்னோடு
என்று சொன்னேன்.

என்னை இருக்கச் சொல்கிறாயா
காலப் பரிமாணம் புரியாமல் 
நான் வந்தவிட்டால்
 நேரம் முடிந்தது  என்று கொள்
 என்று சொன்னான்


நகைத்தபடியே  பகர்ந்தேன்
நான் காலத்தை வென்றவன்
நீ பொறு என்றால் பொறு
நான் யார் என்று நீ அறியவில்லை
என்று பதிலளித்தேன்

வெகுண்டான் காலன்
எனக்கே தவணை சொல்கிறாயா? என்றான்
நான் தான் மனிதன்    யாவற்ரையும்
தவணை  முறையில் வாங்குபவன்
சாவையும் கூட

எந்தாய் தந்தை முகங்கள்

நான்  அந்த வீட்டிலே பிறந்தேன்
செல்வ மகளாக  வளர்ந்தேன்
 பூவிலும் மென்மையாக  கொண்டாடி
செல்வமும் செல்லமும் ஒருங்கே கூடி
தாயின் அன்பும்  அரவணைப்புடன்  ஆடிப்பாடி 
கண்டிப்பும் கறாருடன்  ஓடி விளையாடி
தந்தையின்  கனிவும் கட்டுப்பாட்டுன்  படித்து சிறக்க
நாளொரு மேனியும் பொழுதொரு வண்ணமுமாக
மகிழ்வுடன் வளர்ந்து  கல்வியில் மேம்பட
சீருடன் சிறப்புடன்  மண  வாழ்க்கை அமைய 
நான் பிறந்த வீட்டை  விட்டு   விலகினேன்


நாட்கள் செல்லச் செல்ல  அந்த வீடு  மாறியது
இருந்த ஒழுங்கும் நேர்மையும் முற்றும் மாற
பெற்றவர்கள் வாழ்ந்த முறை தலை கீழாக திரும்ப
செழிப்பு வறண்டு  தேய்ந்து  காய்ந்து போக
பொய்யும் பித்தலாட்டமும் ஏமாற்றும்  பெருக
செல்வம் சொல்லாமல் . கொள்ளாமல்  ஓட
 என்னோடு  பிறந்தவர்கள்  யாவற்றையும்  கைபற்ற
என் பிறந்த பங்கும் உரிமையும் என்னிடமிருந்து பறிக்க
விழி  பிதுங்கி வழி  நோக  துடித்தேன் நான்
அச்சமயத்தில்  ஏனோ 
எந்தாய் தந்தையின்   முகங்கள்  தோன்றி மறைந்தன