நானும் ஒரு கருவேப்பிலை.

திரும்பி பார்க்கிறேன்
 திரும்பும் போது
கண்டேன்  எதை
காண வேண்டாம்
என்று  நினைத்தேனோ.

கண்டதைச் சொல்கிறேன் 
என் வழிப் பாதையிலே
நான் கடந்த வேதனைகளை
மறக்க வேண்டும்
என்று நினைத்தேனோ.


மறந்ததைச் சொல்லுகிறேன்
என் நினவுகளிலிருந்து 
நான் அப்பாவியாக
இருந்த நாட்களை
எண்ணும் போது


எனக்கு நடந்த  நிகழ்ச்சிகள்
 எதை விட்டு   கழிப்பது
எதை விடாமல்   சேர்ப்பது
சொல்ல  முடியாமல்
தயங்குகிறேன்

நான் கண்டது  மிகப் பெரிதில்லை
 அது ஒரு கருவேப்பிலை
வாசத்திற்கு  சேர்ப்பதும்
உபயோகமில்லை எனறு எறிவதும்
  அதற்கு வழி  முறை.

 வழி  வழியாக  வருவது
கருவேப்பிலைக்கு  உவகை
எனக்கும் அதில் உடன் பாடு
என்னுடைய தடமும்  அதுவே.
சேர்த்துக் கொள்வதும்  விடுதலும்


காலம்  ஓடுகிறது  வேகமாக
 நானும் வாழ்ந்து விட்டேன்
 மிகுதியாக  சற்றுக்  காலம் 
வாழ்ந்து விட்டால்  கவலை யில்லை
நானும் ஒரு கருவேப்பிலை.

  

தளர்த்தி மாறி வாழ

வேலைப்  பளுவிலே மறந்தான் தன்னை 

உண்  மறந்தான் உடை மறந்தான் 

குடி மறந்தான்  

வேலை வேலை என்று திரிந்த அவனிடம் 

அன்பு இருந்தது  கனிவு இருந்தது 

 களிப்பு இல்லை.

வேலையைத்  தவிர அவனுக்கு ஏதும் இல்லை 

பாசம் தெரியும்  நேசம் தெரியும் 

 எல்லாம்  தெரியும் 

வேலையை நேசித்து  வாழ்ந்தான் 

மனைவியோடு அன்போடு  வாழ்ந்தான் 

ஏனோ  மனைவிக்கு புரியவில்லை 

  அவளுக்கு எதும்  வெளிப்படையாக  வேண்டும்  

அன்பும் ஆதரவும் ஆலிங்கனமும் 

வெளியில் போவதும் வருவதும்  

அவனுக்கோ எதும்    அளவாக இருத்தல் வேண்டும் 

பாசமும்  அரவணைப்பும்   நான்கு சுவற்றுக்குள்

எல்லாமே வீட்டிற்குள்  

.

பிணக்கும்  சண்டையும் அவ்வப்பொழுது தோன்றின 

அவன் கோபப்பட  அவள் அழுக 

சுற்று சலனங்கள் ஏற்பட்டன.

இருவரும் விட்டுக் கொடுத்து வாழ வேண்டும் 

 அவனும் தன கெடுபிடியைத் தளர்த்தி 

அவளும் தன எண்ணத்தை மாற்றி. 

சத்தியம் தவறினான்

பேசினான் என்றால் 

 அதில் பொருள் உண்டு 

அதில் நேர்மை உண்டு 

அதில் சத்தியம் உண்டு .

அப்பேர்  பட்ட மனிதன் 

மயங்கினான் தவறினான் 

 குழறி னான் வீழ்ந்தான் 

இறுதியில்  பரிதாபமாக

ஒரு சிறு தவறு 

ஒரு பெரிய வீழ்ச்சி 

உருக்குலை ந்தான் 

எ ழும்ப முடியாமல் .

ஒரு சிறு  பொய்  சொல்லி 

ஒரு பெரிய  உண்மையை மறைக்க

அது அவனை மாய  வலை யில் பின்ன 

கவிழ்ந்தான் தலை குப்பற.

சத்தியம் தவறினான் 

பொலிவு இழந்தான்  

புகழ் மறைய 

இகழ்வு அடைந்தான் 

 

  

 

நான் ஒரு ஜடம்

நான் யாரென்று அறியேன் 

என்னை ஒரு மரம் என்று நினைக்கலாமா

கூட வே  கூ டாது மரத்தை என்னோடு ஒப்பிடலாமா  

மரம் தரும் பலன்களை என்னால் தர முடியமா 

நிழலும் பழமும் கனியும் தரும்  விருட்சம் 

நான் ஒரு கல் என்று கொள்ளலாமா 

தவறு பெரிய தவறு கல்லாக நான் ஆக முடியுமா 

காலத்தை வென்ற கல்லும் நானும் சரியாக முடியுமா 

அதன் பொறுமை எங்கே நான் எங்கே 

இப்பத்தான் உன்னை பற்றி தெரியுதா 

 என்று குறு நகையுடன்  கேட்கிறாயா

உன்னுடைய கிண்டல் அர்த்தமுடையது  

நான் ஒரு தேவையில்லாத  ஜடம் 

என்று எனக்கு நல்லாவே தெரியும்.

இருந்தும் வாழ்கிறேன்  எனக்கு 

 விதித்த நாட்கள் முடியும் வரை.

  

இலக்கிய உலகிலே

காதல் கவிதைகள் கொடி கட்டி பறக்க
புதுக் கவிதைகள் சிலாகித்து நிற்க
 பாசக் கவிதைகள் கண்ணீரை  வரவழைக்க
உண்மை சொல்லும் கவிதைகள் புறக்கணிக்கப் பட
பக்திக் கவிதைகள் சற்று ஆதரிக்கப்பட
பொதுவாக கவிதைகள் ஒதுக்கிவைக்கப்பட
இலக்கிய உலகில் கதைகளும் ,உரை நடைகளும் ஒங்க
நல்ல கவிதைகள் கேட்பாரற்று கிடக்க
 கவிஞன் துவண்டாலும்  படைப்பதை நிறுத்தவில்லை
அவனால் நிறுத்த முடியவில்லையே.

எண்ணங்கள் நூலிலே

 ஒரு சிறு எண்ணம்

 மனதில்  தோன்ற

தட்டினேன் மடி கணினியில்  

எண்ணங்களும் கருத்துக்களும் 

மாறி மாறி வர 

தொகுப்பை அமைத்தேன்.

அழகாக   வந்தது 

கொத்தாக  மலர்ந்த்தது 

மணம்  பரப்பியது  

புத்தக வடிவத்தில்  

தாள்கள் சேர்ந்த  உருவத்திலும்  

 இ நூல்  என்ற தோற்றத்திலும்.

சேர்ந்து வாழும் காலம் போய் 

தனித்து வாழும் நிலைமை வந்து 

தான் தன குடும்பம் என்று பிரிந்து 

தனியாகவே வாழும்  நேரத்தில் 

மாறிக் கொள்ளும் வகையிலே 

பழகிக் கொள்ளு ம் பயிற்சி  புத்தக வடிவிலே. 

தனிமை பாதிககாது   என்ற நினைப்புடன் 

தன்னால் முடிந்த உதவி நல்கி  

இயன்ற வரை  இனிமையைக் கொடுத்து 

நலிந்தோர்க்கு  வெகுவாக உதவி 

 சிறப்புடன்  வாழ்ந்தால்  பெரும்   பயன் 

என்று   வலியுறுத்தும்  நூலை  எழுதினேன் .

இது பழம்  பஞ்சாங்கம்  எனலாம்.

இது எல்லோருக்கும் தெரிந்தது  எனலாம் 

இது  ஒரு கோட்பாடு 

 இது ஒரு தெளிவு

இதில் காண்பவை நடந்தவை 

வழி  முறைகள் வெவ்வேறு  வகையானவை.

.

தேதியும் நாளும்

தேதி எனக்கு நினைவில்லில்லை
நாள் எனக்கு தெரியவில்லை 
மனதில் எதுவமில்லை
எந்த சிந்தனை யும் இல்லை
நான் அமைதியை நாடுகிறேன்
எதற்கும் அவசரமில்லை 
அடர்த்தியான மரங்களுக்கு  நடுவே
வாழ் விரும்புகிறேன்
அதுவே சொர்க்கம்.