ஒட்டுண்ணி

ஒட்டுண்ணி உறிஞ்சி வாழும்
தன்னாலே  உணவைத் தேடாது
அரசியல்வாதி பறித்து  வாழ்வான்
 தன்னாலே   உழைக்காமல்
 தொழிலதிபன் உருவி வாழ்வான்
 தன்னாலே  முடிந்த வரை
உழவன் உழைத்து வாழ்வான்
தன்னாலே  வியர்வை  வடிய.

நானும் நம்பினேன்

நானும் நம்பினேன்  என்னுடய உற வுகளை
 பிறந்தவர்களையும் சேர்ந்தவர்களையும்
 ஒன்றுக்கு ஒன்றாக நினைத்தேன் மனதார
 நம்பினார் மோசம் போவதில்லை
 போனேன் படு மோசமாக  ஒரு வழியில் அல்ல
 இரத்தமும் கசிந்தது  ஏகமாக
 உணர்வுகளும்  நசிந்தன் மிகவாக
 கண்ணீர்  வற்றி  வெறுப்பு நிரம்பி
 ஒதுங்கி வாழ்கிறேன்  நானாக
பந்தமும் விலகி பாசமும்  சரிந்து.

பிரிவு என்பது

பிரிவு என்பது தவிர் க்க முடியாதது என்று  கொள்ள 

 மணி நேரப் பிரிவுகள் தாங்கிக்கொள்ளவும் 

 பல நாட்கள் பிரிதல் பொறு த்துக் கொள்ளுதலும் 

பலஆண்டுகள் பிரிவு  தளர்ச்சி அளித்தலும்

 காணப் பெறின்  வாழ்க்கை  ஏறக்குறைய 

 பிரிவுகள் அடங்கிய முறையே கொண்டு 

 காலங்கள்  செல்லும் என்று  அறிதல்  காண்க 

என் வழியில் அமைதியாக

பாடம் படித்தேன் வரி பிறழாமல்
 மனனம் செய்தேன் வரி பிசகாமல்
நெஞ்சில் இருத்தினேன் பண்   மாறாமல்
 நிறைத்தேன் மனதை இடம் விடாமல்
இவ்வாறாகப் படித்தேன் என் இளமையில்
 யாவற்றையும்  முழவதுமாக   வல்லமையோடு
 இன்று படிப்புக் கை கொடுக்க  சிறப்போடு
 வாழ்கிறேன் என் வழியில் அமைதியாக. 

கண்டு களித்தேன்.

பால் போன்ற உள்ளம்
 பனி போல் மிருது
 சலனமே இல்லாத மனம்
 சட்டென்று  மலரும்  அழகு
தெளிந்த நீரோடை  போல் எண்ணம்
தெளிவாக  விரியும்  விவரம்
கும்பிடத் தோன்றும் விதரணை
 குறையாமல் அள்ளி கொடுக்கும் பக்குவம்
 கண்டேன் இவை யாவற்றையும் மிகவாகவே
 அவளிடம் வெளிப் படையாக அல்லவே
 காணின்  அவளிடம் மிக நளினமாகவே
 கண் விரிய கண்டு களித்தேன் மகிழ்வாகவே.

மதி மயங்கி

ஆடி களைத்தப் பின் தூங்கினான்
ஆடை கலையாமல்

 பாடி முடித்தப் பின்  அயர்ந்தான்
படு வேகமாக

தூண்டி விட்ட பின் அமைதியானான் 
துடிக்க வைத்தப் பிறகு.

காட்டிக் கொடுத்தப் பிறகு   மறைந்தான்
கடித்துக் குதறிய போதாது

வாழ மறுக்கிறான் வாழ்வை  தொலைத்தவுடன்
 வடிந்து வழிந்து அடங்கியது  போதாமல்

மனிதனை  ஆட்டி படைக்கும் விதி  திரள
 மலைத்து நிற்கிறான்  மதி மயங்கி 

ஒட்டு மொத்தமாக

காலாற நடக்கிறேன்  கால் வலிக்காக
 கை ஓடிய எழுதுகிறேன்  கை செலவுக்காக
 கண் துஞ்சாமல் படிக்கிறேன்  அறிவுக்காக
 மனம்  போன படி போகா மல் வாழ்கிறேன்
 வெற்றி காண வேண்டும் என்பதற்க்காக
 காலும் கையும்  கண்ணும் மனமும்
 என்னுடன் ஒத்துழைக்க மறுத்தால்
 தொலைந்தேன்  ஒட்டு மொத்தமாக